Yeni qəsəbələrə kanalizasiya xətti çəkiləcəkmi?
Aytac Əkbərli: “Bakıda kanalizasiya şəbəkəsi zəifdir”.
Dövlət Şəhərsalma və Arxitektura Komitəsi yanında Bakı şəhər Memarlıq və Şəhərsalma Baş İdarəsinin sektor müdiri Aytac Əkbərli “Ekspert saatı”nda deyib ki, Baş Plan çərçivəsində yaşayış komplekslərinin 85 faizinin tamamilə kanalizasiya şəbəkəsi ilə təmin olunması nəzərdə tutulur: “Bunun ətrafında müxtəlif tədbir və hədəflər irəli sürülüb. Bu hədəflərə kanalizasiya şəbəkəsinin yağış kanalizasiya sistemindən ayrılması, suyun təkrar istifadə edilməsi, dənizə birbaşa çirkli suların axıdılması kimi halların qarşısının alınması da daxildir”.
Qeyd edək ki, Bakı kəndlərinin bir çoxunda, o cümlədən yeni salınan qəsəbələrdə, Binəqədi şosesinin sol tərəfində salınan qəsəbələrdə indiyədək kanalizasiya xəttinin olmaması sakinlərə ciddi problemlər yaradır. Bununla bağlı Xural TV olaraq bu məsələyə toxunmuşuq.
