Ermənilərin “Böyük qardaş”a inamı azalır

Dünən keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarovanın “Rusiya dəfələrlə Bakı və İrəvanı güc tətbiqindən çəkinməyə, gərginliyi azaltmaq üçün yalnız siyasi və diplomatik vasitələrdən istifadə etməyə çağırıb” ifadəsi erməni analitiklərinin hiddətinə səbəb olub.

Zaxarova deyib ki, Rusiya, Azərbaycan və Ermənistanı ən qısa zamanda sərhədlərin delimitasiyası və demarkasiyası ilə bağlı danışıqlara başlamağa çağırır. Eyni zamanda, o, delimitasiya və demarkasiyanın hansı şərtlərlə aparılacağını açıqlamayıb.

Qeyd edək ki, prezident İlham Əliyevin də  Azərbaycan qoşunları tərəfindən geri alınan mövqelərdən geri çəkilməyəyilə bağlı verdiyi bəyanatlar ermənilərin Rusiyaya güvəncini azaldıb.

Qalust Qriqoryan un əməkdaşı Qalust Qriqoryan “Sərhədlərin delimitasiyası və demarkasiyası ilə bağlı: Rusiya bizə yenidən xəyanət etdi?”  məqaləsində Rusiyanı Ermənistana xəyanət etməkdə və ən maraqlısı belə olan təqdirdə Ermənistanın Rusiyaya qarşı çıxmaqda heç nədən çəkinməyəcəyi ilə təhdid edib. Qriqaryanın siyasi analizinin gündəmin suallarını cavablandırdığını nəzərə alaraq, bəzi fraqmentləri tamaşaçılarımızın diqqətinə çatdırırıq. Sitat:

“Əliyev torpaqlarımızı zəbt etmək hüququnun olduğunu bəyan etdi, amma Rusiya onu heç bir şəkildə qınamadı. Zaxarovanın dediklərndən belə çıxır ki, tərəflərin güc tətbiq etməkdən çəkinməli olduğuna dair ümumi bir razılaşma var. Bu xatırlatma həm Azərbaycana, həm də bizə ünvanlanıb. Baxmayaraq ki, Azərbaycanın qoşunları bizim ərazimizdədir. Beynəlxalq strukturların Artsax adlandırdığı mübahisəli ərazidə deyil, Ermənistan Respublikası ərazisindədir.

Yenə də deyirəm, strateji müttəfiqimiz, ortağımız olan KTMT, MDB və sairə susur. Güc susur, Rusiya öz maraqlarına gəldikdə beynəlxalq birliyin narazılığına məhəl qoymur. Dövlət susur, unudurlar ki, ən böyük hökmdarlarından biri Böyük Pyotr erməniləri qorumağı və onlara hər cür kömək etməyi vəsiyyət etmişdi.

Buna uyğun olaraq KTMT də susur. Bu quruluşun yararsız olduğu çoxdan sübut edilib. Zaxarova Rusiyanın Ermənistan və Azərbaycan sərhədlərinin delimitasiyası və demarkasiyası məsələsində lazımi məsləhət yardımı göstərməyə hazır olduğunu vurğulayıb. Yəni rəsmi İrəvanın obyektiv səbəblərdən hələ razılıq vermədiyi məsələ ilə bağlı artıq qərar yürüdülür.

Halbuki, Azərbaycan qoşunları bizim torpaqlarımızdadır və Azərbaycan prezidenti ərazilərimizə açıq şəkildə iddia edir. O, iddia edir ki, Avropa ilə Rusiya arasında “Zəngəzur Dəhlizi” nin çəkilməsi ilə bağlı razılaşma var. Rəsmi İrəvanın razılığı olmadan bu layihənin həyata keçirilməsi sadəcə mümkün deyil. Və bu fonda Zaxarovanın belə bir ifadəsi səslənir. “İnanmağa davam edirik ki, sərhəd probleminin uzunmüddətli həlli sərhədlərin delimitasiyası və demarkasiyası ilə bağlı danışıqlar prosesinin başlanğıcıdır. Rusiya bu məsələdə lazımi konsultativ yardımı göstərməyə hazırdır “.

Bütün bunları necə başa düşmək olar? Çox seçim yoxdur. Yaxud Rusiya Bakının və Ankaranın maraqları naminə strateji və tarixi müttəfiqinin maraqlarını qurban verərək ölkəmizin rəhbərliyinə görünməmiş təzyiq göstərir? Yoxsa artıq hər şey bitdi və ölkəmizin rəhbərliyi utancverici şərtlərə razılıq verərək artıq təslim oldu. Nikol Paşinyanın təslim olması ilə bağlı bütün əvvəlki halları nəzərə alsaq, ikinci variant heç də o qədər də şübhəli görünmür.

Ancaq hadisələrin ən faciəli inkişafı ilə məşğul olsaq, iddialar Rusiyaya deyil, mövcud hökumətə də edilməlidir. Çünki sonda Ermənistanın praktik olaraq heç bir müttəfiqinin qalmadığı vaxt, öhdəliklərindən imtina edərək bizə çox şeyi təmin edən də Rusiya idi. Buna əmin olmaq üçün ətrafa nəzər salmaq kifayətdir.

Qriqoryan sonda maraqlı nümunə gətirib: “Alma-Atanın Auezov rayon məhkəməsi, rusiyapərəst fikirləri və rus dilinin müdafiəsi lehinə çıxışları ilə tanınan hüquq müdafiəçisi Ermek Tayçibekovu etnik nifrətə təhrik etməkdə günahkar hesab edərək 7 il həbs cəzasına məhkum etdi. Yəni artıq Qazaxıstanda Rusiyadan uzaqlaşırlar. Bu, Putinin bütün ittifaqlarının dağılması deməkdir. Amma Kreml nəticə çıxarmır. Və bunu onların Ermənistana münasibətində görmək olar.”