AZAL-a məxsus təyyarənin qara qutularının şifrəsi Braziliyada açılacaq
Dekabrın 25-də Aktauda qəzaya uğrayan “Embraer 190” təyyarəsinin registratorları təhlil edilmək üçün Braziliyaya göndəriləcək. Bu haqda Qazaxıstan Nəqliyyat Nazirliyi dekabrin 29 da məlumat yayıb.
“Uçuş qeydlərinin (qara qutular) “Embraer”in istehsalçısı olan Braziliyanın Təyyarə Qəzalarının Araşdırılması və Qarşısının Alınması Mərkəzinə göndərilməsi barədə qərar qəbul edilib”, – deyə məlumatda bildirilir.
Beynəlxalq Mülki Aviasiya üzrə Çikaqo Konvensiyasına əsasən, təhqiqat aparan ölkənin qara qutuların deşifrə edilməsi üçün yer seçmək hüququ var.
Onu Braziliyaya göndərmək qərarı Beynəlxalq Mülki Aviasiya Təşkilatının (ICAO) tövsiyələri və Rusiya və Azərbaycanla məsləhətləşmələrdən sonra qəbul edilib.
