Yerevanın keçmiş meri Paşinyana sui-qəsddə ittiham olunur
Yayımlandı: 26 Sentyabr 2023 12:31
Albert Bazeyan özünü günahkar bilmir
Yerevan şəhərinin keçmiş meri, parlamentin sabiq vitse-spikeri və “Yerkrapah” könüllülər birliyinin keçmiş sədr müavini Albert Bazeyanın Baş nazir Nikol Paşinyana sui-qəsd təşkil etməkdə ittiham olunaraq həbs edildiyi bildirilir.
Bu barədə sentyabrın 27-də Albert Bazeyanın vəkili Georgi Melikyan yerli mətbuata danışıb.
Vəkilin sözlərinə görə, Albert Bazeyan günahını boynuna almır və özünü siyasi məhbus hesab edir.
Sentyabrın 23-də Albert Bazeyan və “Səlibçilər” hərbi-vətənpərvərlik təşkilatının 7 üzvü hakimiyyəti ələ keçirməyə cəhddə şübhəli bilinərək saxlanılıb.
