YSK sədri: “Cəmi 27 qutunun nəticələri yoxlanılmayıb”
Yayımlandı: 15 May 2023 11:55
İndiyədək R.T.Ərdoğan 49,40; K.Kılıçdaroğlu 44,96 səs toplayıb
Mayın 15-də Türkiyə Yüksək Seçki Qurumunun (YSK) sədri Ahmet Yener Prezident və parlament seçkiləri ilə bağlı brifinq keçirib.
YSK sədri mayın 14-də keçirilən Prezident və 28-ci dönəm parlament seçkilərində seçki qutularının 99,4 faizinin açıldığını bildirib.
Onun sözlərinə görə, R.T.Ərdoğan 49,40; K.Kılıçdaroğlu 44,96; S.Oğan 5,2; M.İncə 0,44 faiz səs toplayıb.
A.Yener əlavə edib ki, ölkə daxilində cəmi 27 qutunun nəticələri yoxlanılmayıb:
“Xarici ölkələrdə isə 1529 seçki qutusunun nəticəsi sistemə daxil edilməyib”.
