“Yeni Musavat”ın reportyoru saxlanılıb

Hadisə yerinə ezam olunmuş “Yeni Müsavat”ın müxbiri Röya Rəfiyeva polis zorakılığı ilə üzləşib. Bu barədə musavat.com saytına R.Rəfiyeva özü məlumat verib. O, ağlaya-ağlaya redaksiyaya zəng vuraraq bunları deyib: “Aksiyanı çəkirdim. Polis əməkdaşları hücum çəkərək fotoaparatımı əlimdən aldılar. Daha sonra məni sürüyə-sürüyə polis maşınına gətirdilər. İndi harasa aparırlar”. Bu məqamda telefon bağlantısı kəsilib və ona dəfələrlə edilən zənglər cavabsız qalıb.