“Xural” qəzetinin redaktoru Avropa İnsan Hüquqları Məhkəməsinə ümid edir – VİDEO
28.08.2012
“Xural” qəzetinin təsisçisi və baş redaktoru Əvəz Zeynallı qanunsuz olaraq həbsdə saxlanması haqqında Avropa İnsan Hüquqları Məhkəməsinin qərarını gözləyir, deyə jurnalistin vəkili Elçin Sadıqov obyektiv.tv telekanalına müsahibəsində bildirib.
Onun sözlərinə görə, ötən 10 ay ərzində nə müstəntiqlər, nə hakimlər, nə məhkəmə icraçıları Cinayət Prosessual Məcəllənin normalarına bir dəfə belə riayət etməyiblər.
Vəkilin redaktoru qatil olmadığı və cəmiyyət üçün təhlükə doğuran əməllər törətmədiyi üçün həbs qətimkan tədbirinin dəyişdirilməsi haqqında vəsatətinə cavabda Zeynallının ev dustaqlığında və ölkəni tərk etməmə haqqında iltizam alınsa belə, hakimiyyətə qarşı məqalələr yaza biləcəyi ilə təhlükəlidir. Bütün bunlar məhkəmənin qanunsuz olduğunu göstərir, deyə vəkil qeyd edib.
O, həmçinin qeyd edib ki, heç bir məhkəmə iclasında ittihamı təsdiq edən əşyavi dəlillər və sübutlar nümayiş olunmayıb. Bütün dəlil bazası 37-ci il üslubundakı “şahid ifadələrindən” ibarətdir.
Xüsusən, redaktorun deputat Gülər Əhmədova ilə telefon danışığının audioyazısı nümayiş etdirilib. Deputat söhbət zamanı tənqidi materiallar yazmamasını istəyir, əvəzində maliyyə yardımı vəd edir, Zeynallı isə qəti etiraz edir. Hər şey birmənalı səslənir, amma hakim ekspert dəvət etməyi lazım görüb. Ekspert isə telefon danışıqlarını sövdələşmə və redaktorun deputatdan pul almaq cəhdi kimi şərh edib.
Digər iclas zamanı Əvəz Zeynallı “Baltika” zavodundan videokadrlar təqdim edib, burada işçilər bir partiya vaxtı keçmiş “Xırdalan” pivəsini qıcqıran kütləyə əlavə edirlər. Kadrlarda hər şey aydın görünür – zavodun ərazisi, sex, şüşələrin üstündəki etiketlər, işçilərin hərəkətləri – bu zaman hakim texnologiyanın pozulmasına dair bu dəlili diqqətə almayıb və qəzet materialını istehsalçıya atılan böhtan hesab edib.
Bu vəziyyətdə Zeynallının yalnız Avropa Femidasına ümidi qalır. Bu arada, hakimlər Respublika Vəkillər Kollegiyasına Elçin Sadıqovun peşə etikasını pozduğuna görə inzibati cəza alması zərurəti haqqında təqdimat göndəriblər.
