Xilasedicilərimiz Türkiyəyə yola düşdü – Foto
Prezident İlham Əliyevin tapşırığına əsasən, Türkiyədə baş vermiş zəlzələnin nəticələrinin aradan qaldırılmasında iştirak edəcək azərbaycanlı xilasedicilər qardaş ölkəyə yola düşüb.
Fövqəladə Hallar Nazirliyinin ilkin olaraq 370 nəfərdən ibarət çevik xilasetmə qüvvələri Türkiyəyə göndərilib.
Qeyd edək ki, Prezident İlham Əliyev bu gün səhər saatlarında Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə tapşırıq verib. Ölkə başçısının tapşırığına əsasən, Fövqəladə Hallar Nazirliyinin ilkin olaraq 370 nəfərdən ibarət çevik xilasetmə qüvvələrinin qardaş ölkəyə yola düşməsi üçün hazırlıq işlərinə başlanılıb. Eyni zamanda zəlzələnin nəticələrinin aradan qaldırılmasında iştirak edəcək ikinci təyyarə də uçuşa hazırlanır.
