Xanım jurnalist saxlanıldı
17.04.2012
Reportyorların Azadlıq və Təhlükəsizlik İnstitutunun (RATİ) əməkdaşı polislər tərəfindən saxlanılıb. RATİ-nin yaydığı məlumata görə, RATİ-nin əməkdaşı Vəfa Nağıyevə peşə borcunu yerinə yetirərkən saxlanılıb:
“Bu gün Prezident Administrasiyasının qarşısında “GEN” MMC tikinti şirkəti tərəfindən aldadılmış vətəndaşların aksiyası keçirilirdi. Vəfa Nağıyeva da aksiyanı işıqlandırmaq üçün adıçəkilən əraziyə getmişdi. Jurnalist peşə fəaliyyətini yerinə yetirən zaman həbs olunub. Onunla birlikdə jurnalist Etimad Budaqovda saxlanılıb”.
Məlumata görə, jurnalistlər 9-cu polis bölməsinin əməkdaşları tərəfindən saxlanılıb və axşama doğru buraxılıblar. Vəfa Nağıyeva mətbuata bildirib ki, onun fotoaparatındakı bütün matreallar polis bölməsində silinıb: “Foto və videoları sildikdən sonra bizi sərbəst buraxdılar”.
Hadisəni yaddaşlardan silmək isə mümkün olmayıb.
XuralTAC
