Xəzərdən tank əleyhinə mina tapılıb
Xəzər dənizinin Azərbaycan sahilində tank əleyhinə mina aşkarlanıb.
Bu barədə Daxili İşlər Nazirliyinin Mətbuat xidmətindən məlumat verilib. Məlumata görə, Lənkəran rayon Polis Şöbəsinin əməkdaşları tərəfindən Liman şəhəri ərazisində dəniz kənarından 1 ədəd tank əleyhinə mina tapılıb.
Mina DİN Daxili Qoşunlarının əməkdaşları tərəfindən zərərsizləşdirilib.
Tank əleyhinə minanın dənizə necə düşməsi haqda heç bir məlumat verilmir.
