Vilayət Eyvazov mətbuat xidmətinə müvəqqəti rəis təyin etdi
Yayımlandı: 11 İyul 2023 14:51
Ehsan Zahidovun vəzifəsi Elşad Hacıyevə tapşırıldı
Elşad Hacıyev Daxili İşlər Nazirliyinin Mətbuat Xidmətinə müvəqqəti rəis təyin olunub.
Bu barədə iyulun 11-də daxili işlər naziri general-polkovnik Vilayət Eyvazov əmr imzalayıb.
İyulun 10-da Daxili İşlər Nazirliyinin (DİN) Mətbuat xidmətinin rəisi polis polkovniki Ehsan Zahidov xidmətdə olmanın son yaş həddi ilə əlaqədar təqaüdə göndərilib.
Elşad Hacıyev 2011-ci ildən daxili işlər orqanlarında çalışır.
O, 2019-cu ilin noyabrından nazirliyin mətbuat xidmətində şöbə müdiri vəzifəsini daşıyırdı.
