Vahe Akopyan: “Qafan hava limanı verilən boş vəd – “sabun köpüyü” idi!”
Vahe Akopyan: “Kim buna cürət edə bilərdi? Qafan hava limanı seçkilərdə istifadə olunan köpükdən başqa bir şey deyildi”
“Hayastan” blokunun deputatı Vahe Akopyan Qafan hava limanının fəaliyyəti ilə bağlı yayılan məlumatlara münasibət bildirib. “Qafan hava limanının istismarı məsələsi “seçki köpüyü” idi, hakim qüvvənin Qafanda yerli seçkilərdə qələbəni təmin etmək üçün verdiyi boş vədi idi”. Bu fikirləri jurnalistlərə müsahibəsində Zəngəzur vilayətinin keçmiş qubernatoru, “Hayastan” fraksiyasından olan deputat Vahe Akopyan deyib.
İrəvan-Qafan-İrəvan müntəzəm reyslərinin 2022-ci ilin yanvarından planlaşdırıldığı barədə məlumat noyabrın 11-də yayılıb. Lakin bir neçə gün sonra məlum olub ki, Novair Mülki Aviasiya Komitəsindən İrəvan-Qafan marşrutu üzrə uçuşlar üçün müraciəti geri götürüb.
“Hakimiyyət Qafan aeroportu ilə bağlı məsələ qaldıraraq, insanlara toz-torpaq göstərmək niyyəti güdürdü. Hava limanı işləyirsə, heç kim təhlükəsizliyə heç bir zəmanət verə bilməz. Bu, tamamilə hakimiyyətin ruhundadır – yalan və populizm. Hava limanının açılması və Qafanda seçkilər zamanı üzünə bir sillə daha gəldi”, – deyə Hakobyan bildirib.
Onun sözlərinə görə, Azərbaycan Silahlı Qüvvələri hava limanından 100-150 metr aralıda yerləşir. Akopyan Zəngəzur hava limanından uçuşların mümkünsüz olduğunu vurğulayıb.
“Kimsə bunu etməyə cəsarət edə bilərdi?”, -deyə deputat soruşub.
Xatırladaq ki, noyabrın 14-də yerli özünüidarəetmə orqanlarına keçirilən seçkilərdə Qafan icmasının rəhbəri Gevorq Parsyanın rəhbərlik etdiyi siyasi qüvvə əzmkar qələbə qazanıb.
Qafan şəhəri İrəvandan 5-6 saatlıq məsafədə yerləşir. Sovet dövründə burada hava limanı, dəmir yolu tikilib. 80-ci illərin sonlarına qədər buranın sakinlərinin 90 faizi Azərbayca türkləri olub. Son 30 ildə qafana ermənilərn köçürüldüyü haqda məlumatlar yayılsa da, radikal müxalifət hava limanına müəyyən vəsait qoyulmasını lüzumsuz hesab edib. Çünki, hətta tam gücü ilə işlədiyi təqdirdə belə əhalisi bir neçə yüz nəfəri təşkil edən Qafanda hava limanı rentabelli ola bilməz. Buna baxmayaraq, 2017-ci ildə seçkilər ərəfəsində Qafan Hava limanının bərpasına başlanılsa da, burada əsaslı təmir işləri başlanılsa da, uçuş-enmə zolağında partlamamış mərmi aşkar edilməsi bəhanə gətirilərək işlər yarımçıq saxlanılıb.
