Türkiyə müxalifətinin vahid namizədi elan olundu
Yayımlandı: 6 Mart 2023 22:37
Kılıçdaroğlu 5 partiyanın sədrinin isə vitse-prezident olacağını deyib
“Millət ittifaqı”nın prezidentliyə namizədi Cümhuriyyət Xalq Partiyasının (CHP) sədri Kamal Kılıçdaroğlu olacaq.
Bu barədə martın 6-da 5 saatlıq müzakirədən sonra Səadət Partiyasının sədri Temel Karamollaoğlu açıqlama verib.
Bildirilir ki, ittifaqdakı 5 partiyanın sədri isə vitse-prezident olacaq.
Kamal Kılıçdaroğlu 1948-ci ildə Tuncelinin Nazımiyyə rayonunda anadan olub.
1971-ci ildə Ankara İqtisadiyyat və Ticarət Elmləri Akademiyasını bitirib.
K. Kılıçdaroğlu Əmək və Sosial Müdafiə Nazirliyində müşavirin müavini vəzifəsində çalışıb.
O, 2002-ci ildə keçirilən parlament seçkilərində Cümhuriyyət Xalq Partiyasının namizədi olaraq İstanbldan millət vəkili seçilib.
K.Kılıcdaroğlu 2010-cu ildən CHP-nin başqanıdır.
Martın 3-də İYİ Partiyasının sədri Meral Akşener “Altılı masa”dan ayrılmışdı.
O, təkliflərinin masa tərəfindən rədd edildiyini demişdi.
M.Akşener bu gün yenidən ittifaqa qayıtdı.
“Millət ittifaqı”nda Demokratiya və Atılım Partiyasının (DEVA) sədri Ali Babacan, Gələcək Partiyasının sədri Əhməd Davudoğu, Səadət Partiyasının sədri Temel Karamollaoğlu, Demokrat Partiyasının başqanı Gültekin Uysal, İYİ Partiyasının sədri Meral Akşener və CHP-nin sədri Kamal Kılıçdaroğlu təmsil olunurlar.
