Siyəzəndə iki polisin dəm qazından boğularaq öldüyü bildirilir
Yayımlandı: 9 Yanvar 2023 11:42
Vəfat edənlər polis leytenantlarıdır
Siyəzən rayon Polis Şöbəsinin əməkdaşları olan iki polis zabiti birlikdə yaşadığı evdə vəfat edib. Hadisə Siyəzəndə baş verib. Bu barədə Daxili İşlər Nazirliyinin mətbuat xidməti məlumat yayıb.
Məlumatda bildirilir ki, hadisə yanvarın 8-dən 9-na keçən gecə baş verib. Vəfat edənlər polis leytenantları – 35 yaşlı Elmir Əsgərov və 36 yaşlı Faiq İsgəndərovdur.
Onlar işlədikləri Siyəzən rayonunda kirayə qalırlarmış. Hadisə də həmin mənzildə baş verib.
Polis zabitlərinin dəm qazından boğularaq vəfat etdikləri müəyyənləşdirilib.
Bir neçə gün əvvəl Bakıda bir mənzildə dörd nəfər də dəm qazından boğularaq, vəfat etmişdi.
