Şahin Bağırov Gömrük Komitəsinin sədri oldu
Şahin Soltan oğlu Bağırov Azərbaycan Dövlət Gömrük Komitəsi (DGK) sədrinin birinci müavini vəzifəsindən azad edilib.
Prezident İlham Əliyev bununla bağlı bugün, fevralın 14-də sərəncam imzalayıb.
Azərbaycan dövlət başçısı onu Dövlət Gömrük Komitəsinin sədri təyin edib.
Prezident İlham Əliyev ötən il iyulun 16-da DGK-nin sədri Səfər Mehdiyevi vəzifəsindən azad etmişdi.
O, 2018-ci il aprelin 23-dən həmin vəzifəni tuturdu.
Səfər Mehdiyevdən sonra DGK sədri vəzifəsini elə Şahin Bağırov icra edirdi.
