“Qarabağ” Avropa Liqasında ilk qələbəsini qazanıb
Yayımlandı: 7 Noyabr 2024 23:41
Azərbaycan klubu Norveçdə “Bodo Qlimt”ə qalib gəlib
“Qarabağ” noyabrın 7-də UEFA Avropa Liqasının Liqa mərhələsinin 4-cü turu çərçivəsində səfərdə Norveçin “Bodo Qlimt” klubu ilə qarşılaşıb.
Bodo şəhərindəki “Aspmira” stadionunda keçirilən oyun saat 21:45-də başlayıb.
“Qarabağ” “Bodo Qlimt”lə oyuna kimi keçirdiyi bütün matçlarda məğlub olmuşdu. “Köhlən atlar” Avropa Liqasının ilk üç turunda “Tottenhem”ə (İngiltərə) 0:3, “Malmö”yə (İsveç) 1:2, “Ayaks”a (Niderland) 0:3 hesabı ilə uduzmuşdu.
Azərbaycan çempionu “Bodo Qlimt”lə qarşılaşmada qələbə qazanıb. Norveç təmsilçisini 2:1 hesabı ilə məğlub edən “Qarabağ” bununla da, Avropa Liqasının Liqa mərhələsində ilk qələbəsinə sevinib.
