Prezident İsrailə səfir təyin etdi
Muxtar Məmmədov Azərbaycan Respublikasının İsrail Dövlətində fövqəladə və səlahiyyətli səfiri təyin edilib. Prezident İlham Əliyev bununla bağlı sərəncam imzalayıb.
Ötən ilin noyabrında Azərbaycan Milli Məclisi İsraildə səfirliyin açılması ilə bağlı layihəni qəbul etmişdi.
Azərbaycan 1991-ci ildə müstəqilliyini bərpa edib. Bundan bir il sonra İsrailin Azərbaycanda səfirliyi açılıb. Amma aradan keçən 30 ildə Azərbaycanın İsraildə səfirliyi açılmamışdı.
