Peskov Yunanıstanla münasibətləri 6, Türkiyə ilə isə 10 ballıq şkala ilə 7 balla qiymətləndirib
Eyni zamanda, Rusiya prezidentinin mətbuat katibi əlavə edib ki, itirilmiş mövqeləri aradan qaldırmaq və iki ölkə arasında əməkdaşlıq sahələrini genişləndirmək üçün ciddi perspektiv var.
Rusiya prezidentinin mətbuat katibi Dmitri Peskov Yunanıstanla münasibətləri 10 ballıq sistemlə 6 bal, Türkiyə ilə isə 7 balla qiymətləndirib. Bu barədə Yunanıstanın Antenna (ANT1) telekanalı məlumat yayıb.
Peskov Rusiya prezidenti Vladimir Putinlə Yunanıstanın baş naziri Kiriakos Mitsotakis arasında Soçidə keçiriləcək görüş ərəfəsində telekanala müsahibə verib. Hələlik kanal cümə axşamı (Moskva vaxtı ilə şənbə gecəsi) “Xüsusi reportaj” proqramında tam şəkildə nümayiş olunacaq müsahibədə nələrin olacağını açıqlayıb.
ANT1 müxbirinin verdiyi məlumata görə, Dmitri Peskov Yunanıstan-Rusiya münasibətlərinə və Putinin Miçotakislə görüşü ilə bağlı yaranan gözləntilərə, Moskva ilə Ankaranın imtiyazlı əməkdaşlığına, bütün Avropanı bürüyən enerji böhranına, eləcə də təbii qazın qiymətinin kəskin artması və siyasi arenada ümumi marağı inhisara alan Ukrayna məsələsinə toxunub.
Mətbuat katibi Yunanıstan-Rusiya münasibətlərini 6 (əla – 10), Rusiya-Türkiyə münasibətlərini isə 7 balla qiymətləndirib, telekanal qeyd edir. Bununla belə, Peskov əlavə edib ki, itirilmiş mövqeləri aradan qaldırmaq və iki ölkə arasında əməkdaşlıq sahələrini genişləndirmək üçün ciddi perspektiv var. Rusiya Federasiyası Prezidentinin mətbuat katibi də telekanalın müxbiri ilə Rusiyanın Türkiyəyə tədarük etdiyi S-400 raket sistemi barədə danışıb.
Qeyd edək ki, Rusiya prezidenti Vladimir Putin çərşənbə günü Soçidə Yunanıstanın baş naziri Kiriakos Mitsotakislə danışıqlar aparacaq. Kremlin mətbuat xidmətinin əvvəllər verdiyi məlumata görə, görüşdə Rusiya-Yunanıstan əməkdaşlığının siyasi, ticarət-iqtisadi, mədəni-humanitar sahələrdə bütün məsələlərinin müzakirəsi, həmçinin beynəlxalq və regional aktual məsələlər üzrə fikir mübadiləsinin aparılması planlaşdırılır.
Öz növbəsində Yunanıstan hökumətinin rəsmi nümayəndəsi İoannis İkonu bildirib ki, Mitsotakis Putinlə iki ölkə arasında enerji, turizm, mədəniyyət və təhsil sahələrində əməkdaşlığı müzakirə etmək niyyətindədir. İkonu qeyd edib ki, bu, Mitsotakisin baş nazir kimi Rusiya lideri ilə ilk görüşüdür. Bundan əvvəl onlar 2016-cı ildə, Mitsotakis Yunanıstanın Yeni Demokratiya Partiyasının rəhbəri olarkən Afinada görüşüblər.
