İsrailin müdafiə naziri ABŞ-ın milli təhlükəsizlik üzrə müşaviri ilə İranı müzakirə edib
İsrailin müdafiə naziri Benni Qantz Qüdsdə ABŞ-ın milli təhlükəsizlik üzrə müşaviri Ceyk Sallivanla görüşüb. Bu barədə B.Qantz tviterdə yazıb.
O bildirib ki, tərəflər ölkələr arasında son illərdə qurulan regional əməkdaşlığın dərinləşdirilməsini, İrana qarşı əməliyyatların intensivləşdirilməsini, eləcə də Fələstin ətrafında təhlükəsizliyin təmin olunması üçün lazım olan addımları müzakirə ediblər.
Qeyd edək ki, C.Sallivan Qüdsdə səfərdədir.
