İRAN İKİ ÖLKƏYƏ SƏRT XƏBƏRDARLIQ ETDİ

“ABŞ və İsrail təkrar hücum edərsə, İran uranın zənginləşdirilməsi səviyyəsini 90 faizə qədər artıra bilər”.

Xural.org globalinfo.az-a istinadən xəbər verir ki, bunu İran parlamentinin Milli Təhlükəsizlik və Xarici Siyasət Komitəsinin sözçüsü İbrahim Rzayi deyib.

“Biz bu məsələni parlamentdə nəzərdən keçirəcəyik”, – deyə o bildirib.

Qeyd edək ki, daha əvvəl ABŞ administrasiyasının İranla müharibəni davam etdirib-etdirməməsi ilə bağlı fikir ayrılığı olduğu bildirilmişdi.

“CNN”in məlumatına görə, ABŞ rəhbərliyi iki düşərgəyə bölünüb: Pentaqon nümayəndələri də daxil olmaqla bəzi rəsmilər daha aqressiv yanaşmanı müdafiə edir, digərləri isə diplomatiyaya şans verməkdə israr etməyə davam edirlər.