“Heç vaxt imkan verə bilmərik ki, ərazi bütövlüyümüzə, xalqımıza hər hansı təhdid yaransın…”
“Bu gün Ermənistan ordusu yoxdur. Əgər Ermənistan yenidən bizim üçün təhlükə mənbəyi olmağa cəhd edərsə, onların axırı İkinci Qarabağ müharibəsindəki kimi olacaq”, – prezident İlham Əliyev bu gün dekabrın 24-də Hadrut qəsəbəsində yeni hərbi hissənin açılışı zamanı çıxışında belə deyib.
Dövlət başçısı daha sonra bildirib: “Biz heç vaxt imkan verə bilmərik ki, xalqımıza, dövlətimizə, ərazi bütövlüyümüzə hər hansı bir təhdid yaradılsın. Ölkə hüdudlarından kənarda olsa da, əgər bu təhdidi biz görsək, heç kim bizi dayandıra bilməz. Necə ki, 44 gün ərzində nə qədər bizi dayandırmağa çalışdılar, nə qədər bizi hədələdilər, təzyiq etdilər, təhdid etdilər. Heç kim bizi dayandıra bilmədi”.
