Haqq Ədalət Partiyası siyasi liderlərlə görüşlərə başladı
2021-ci il oktyabrın 29-da, Haqq Ədalət Partiyasının mərkəzi qərargahında Müsavat Partiyasının Başqanı Arif Hacılı ilə HƏP sədri Əli İnsanov arasında görüş keçirilib. Bu gün Azərbaycan gündəmində mövcud olan problemlər ətrafında geniş fikir mübadiləsi aparılıb.
Xural.com xəbər verir ki, bununla bağlı Haqq Ədalət Partiyasının sədri Əli İnsanov facebook səhifəsindən məlumat verib. Ə.İnsanov, “Görüş qarşılıqlı anlaşma şəraitində keçdi”,-yazıb.
Görüşdə Müsavat Partiyası Başqanının müavini Fərəc Kərimli və HƏP Ali Məclisinin sədri Zəlimxan Məmmədli də iştirak ediblər.
Xatırladaq ki, bu il 21 oktyabr tarixində Azərbaycan Respublikası Ədliyyə Nazirliyində Haqq Ədalət Partiyasının Dövlət qeydiyyatına alınması təsdiq edilib.
