Gəncədə laboratoriyanın tavanı çöküb
Oktyabrın 24-də Gəncə Şəhər Birləşmiş Xəstəxanasının nəzdində fəaliyyət göstərən Nizami Ailə Sağlamlıq Mərkəzinin (ASM) Laboratoriya şöbəsinin tavan hissəsi çöküb.
Bu barədə sosial şəbəkələrdə məlumat yayılıb.
“Turan” agentliyinin xəbərinə görə, bu barədə məlumatı Tibbi Ərazi Bölmələrini İdarəetmə Birliyindən (TƏBİB) də təsdiqləyərək bildiriblər ki, hadisə zamanı xəsarət alan olmayıb: “İşçilər təhlükəsiz şəkildə təxliyə olunub. Hadisənin baş vermə səbəbi araşdırılır. Hazırda Laboratoriya şöbəsi istisna olmaqla Nizami ASM fəaliyyətini davam etdirir”.
Hələlik, Mərkəzinin əməkdaşlarının özləri ilə isə danışmaq mümkün olmayıb.
