Dağıstanda yanacaqdoldurma məntəqəsində partlayış: ölənlərin sayı 30-a çatıb
Yayımlandı: 15 Avqust 2023 11:13
105 nəfər yaralanıb, matəm elan olunub
Avqustun 14-də axşam çağı Dağıstanın paytaxtı Mahaçqala şəhərində yanacaqdoldurma məntəqəsində baş verən partlayışdan sonra ölənlərin sayı 30 nəfərə çatıb.
Bu barədə Rusiya Fövqəladə Hallar Nazirliyi məlumat yayıb.
Bildirilir ki, Mahaçqalada yanacaqdoldurma məntəqəsində baş vermiş yanğın nəticəsində 105 nəfər xəsarət alıb, onlardan 30-u ölüb.
Dağıstanın rəhbəri Sergey Melikov jurnalistlərə deyib ki, partlayış yanacaqdoldurma məntəqəsinin qarşısında baş verib və onun səbəbləri müəyyənləşdirilir.
Hadisə ilə əlaqədar Dağıstanda matəm elan olunub.
