'Dərnəgül' taxta bazarında yanğındır, ölən var [video]

Noyabrın 23-ü səhər saatlarında Bakının Binəqədi rayonu, Ziya Bünyadov prospektində inşaat materialları bazarında yanğın baş verib.

Bu barədə Fövqəladə Hallar Nazirliyi (FHN) məlumat yayıb.

Məlumata görə, “Havanın küləkli olması yanğının söndürülməsi işlərini mürəkkəbləşdirsə də, hazırda yanğınla mübarizə tədbirləri davam etdirilir”.

Tibbi Ərazi Bölmələrini İdarəetmə Birliyindən (TƏBİB) isə “Turan”a bildirilib ki, yanğın zamanı bir nəfər həlak olub.

Hələlik, yanğının səbəbi açıqlanmır.

AzadlıqRadiosu