Çempionlar Liqası: “Qarabağ” növbəti mərhələyə yüksəlib
Yayımlandı: 30 İyul 2024 21:56
Azərbaycan çempionu “Linkoln”u böyük hesabla məğlub edib
“Qarabağ” iyulun 30-da UEFA Çempionlar Liqasında növbəti oyununu keçirib.
Ağdam təmsilçisi turnirin 2-ci təsnifat mərhələsinin cavab oyunu çərçivəsində Cəbəllütariq çempionu “Linkoln”la Bakıdakı Tofiq Bəhramov adına Respublika stadionunda üz-üzə gəlib.
“Qarabağ” Cəbəllütariqdəki ilk görüşdə iki cavabsız qolla qələbə qazanmışdı.
Saat 20:00-da başlayan cavab matçı da Azərbaycan çempionunun qələbəsi ilə başa çatıb. “Köhlən atlar” 5:0 hesablı qələbəyə seviniblər.
“Qarabağ” Çempionlar Liqasının 3-cü təsnifat mərhələsində “Ludoqorets” (Bolqarıstan) – “Dinamo” (Minsk, Belarus) cütünün güclüsü ilə qarşılaşacaq.
