Bill Qeyts koronavirus pandemiyasının başa çatmasının əsas şərtini və vaxtını açıqlayıb
“Koronavirusdan ölüm və ümumi infeksiya nisbətləri, yeni, daha təhlükəli variantların mövcud olmaması şərti ilə, gələn ilin ortalarına qədər mövsümi qrip üçün orta səviyyəyə çata bilər”. Xural.com xəbər verir ki, bu fikri cümə axşamı Microsoft korporasiyasının təsisçisi Bill Qeyts Sinqapurda iş adamı Maykl Blumberqin təşkil etdiyi hibrid formatda keçirilən “Yeni İqtisadi Forum”da deyib.
Onun sözlərinə görə, təbii immunitetin inkişafı, peyvəndləmə, yeni dərman vasitələrinin yaranması fonunda “ölüm və xəstələnmə səviyyəsi kəskin şəkildə aşağı düşməlidir”. O, “gələn ilin ortalarına qədər yeni ştamların olmadığı təqdirdə bu rəqəmlərin qrip üçün mövsümi məlumatlara çata biləcəyini” proqnozlaşdırır. Eyni zamanda, Qeyts “dünya ictimaiyyətini yeni pandemiya təhlükəsini azaltmaq üçün qripin kökünü kəsmək üçün fəal işləməyə” çağırıb.
Bundan əlavə, Microsoft qurucusu “gələn il koronavirus peyvəndi ilə bağlı problemlərin həllini” gözləyir.
Qeyts və həyat yoldaşı Melinda təxminən 50 milyard dolları olan xeyriyyə fonduna rəhbərlik edirlər. Təşkilatın əsas iş sahələrinə inkişaf etməkdə olan ölkələrdə təhlükəli xəstəliklərlə mübarizə, ABŞ-da səhiyyə və təhsil sahəsində proqramlar daxildir. Fond vasitəsilə artıq yüz milyonlarla dollar koronavirusa qarşı peyvəndin hazırlanması və pandemiyaya ən həssas olan yoxsulların dəstəklənməsi üçün ayrılıb.
