Azərbaycanın ilk Ombudsmanı vəfat edib
Yayımlandı: 25 Aprel 2024 14:48
Elmira Süleymanovanın hansı xəstəlikdən öldüyü açıqlanmayıb
Azərbaycanın İnsan Hüquqları üzrə ilk müvəkkili (Ombudsman) Elmira Süleymanova vəfat edib.
87 yaşlı Elmira Süleymanovanın aprelin 25-də vəfat etdiyi bildirilir.
Elmira Süleymanova 1937-ci ildə Bakıda anadan olub.
1955–1959-cu illərdə Azərbaycan Dövlət Universitetinin kimya fakültəsində təhsil alan E.Süleymanova AMEA-nın akademik Yusif Məmmədəliyev adına Neft-Kimya Prosesləri İnstitutunda çalışıb.
Kimya elmləri doktoru, professor Elmira Süleymanova 2002-2019-cu illərdə Azərbaycanın İnsan hüquqları üzrə müvəkkili (Ombudsman) olub.
