Azərbaycan millisi ardıcıl üçüncü oyunda da uduzub
Yayımlandı: 11 Oktyabr 2024 21:57
Yığma komanda Estoniya səfərində məğlub olub
Futbol üzrə Azərbaycan milli komandası oktyabrın 11-də UEFA Millətlər Liqasında səfərdə Estoniya yığması ilə qarşılaşıb. Tallin şəhərində keçirilən C Liqasının 1-ci qrupunun qarşılaşması saat 20:00-da start götürüb.
Azərbaycan millisi əvvəlki iki turda İsveçə (evdə 1:3) və Slovakiyaya (səfərdə 0:2) uduzmuşdu.
Estoniya ilə matçda Azərbaycan millisi Millətlər Liqasında ilk xalını və ya xallarını qazana bilərdi. Amma portuqaliyalı Fernandu Santuşun baş məşqçisi olduğu komanda bu oyunda da məğlub olub – 1:3.
Estoniyaya məğlubiyyətdən sonra hesabında xal olmayan Azərbaycan millisi öz qrupunda sonuncu pillədə qərarlaşıb.
