Avropa Parlamentindən Azərbaycana kəskin tələblər

25.05.2012

Qurum rəsmi Bakıdan söz və sərbəst toplaşmaq azadlığına qarşı hücumları dayandırmağı tələb etdi

Avropa Parlamenti Azərbaycan hakimiyyətindən fikir azadlığı və sərbəst toplaşmaq azadlığına qarşı hücumları dayandırmağı tələb edib. Bu barədə Avropa Parlamentinin deputatı Ulrike Lunaçik məlumat verib. Onun sözlərinə görə, Azərbaycan hakimiyyətinə ünvanlanan sərt çağırışların yer aldığı qətnamə parlamentin Strasturqda keçirilən plenar iclasında qurumun 5 fraksiyasının üzvləri tərəfindən qəbul olunub.

Avropalı parlamentari qeyd edib ki, iclas zamanı Azərbaycan hakimiyyətinin müxalifətçilərə, vətəndaş cəmiyyətinin fəalarına və jurnalistlərə qarşı təzyiqlərinin, repressiv addımlarının dərhal aradan qaldırılmasının vacibliyi vurğulanıb. Bundan başqa, hakimiyyətdən siyasi məhbusların dərhal və qeyd-şərtsiz azadlığa buraxılması da tələb olunub.

Ulike Lunaçik əlavə edib ki, son günlər Azərbaycana artan diqqət “Eurovision” musiqi yarışmasından sonra da davam etməlidir. Avropa Parlamentinin üzvü deyib ki, azərbaycanlı fəallar və azad mətbuat nümayəndələri daim Avropanın dəstəyini hiss etməlidir.

http://www.azadliq.az/index.php?option=com_content&view=article&id=17197:avropa-parlamentindn-azrbaycana-kskin-tlblr&catid=358:ust-manset