AŞPA-NIN QIŞ SESSİYASI BAŞLADI

Bu gün Fransanın Strasburq şəhərində Avropa Şurası Parlament Assambleyasının (AŞPA) qış sessiyası öz işinə başlayıb.

Xural.org gununsesi.info-ya istinadən bildirir ki, sessiyanın gündəliyində Moldova Prezidenti Maya Sandu və Ermənistanın xarici işlər naziri Ararat Mirzoyanın çıxışları nəzərdə tutulur.

Bundan başqa, Almaniyanın ədliyyə naziri Stefanie Hubig də “beynəlxalq ədalət sisteminin qorunması” mövzusunda mümkün cari məsələlər müzakirəsində çıxış etməlidir. “Beynəlxalq nizama qarşı təhdidlər: Qrenlandiya işi”, “ABŞ Administrasiyasının Venesuelaya qarşı hərəkətləri və digər Latın Amerikası ölkələri və Qrenlandiya/Danimarkaya qarşı təhdidlər”, “Avropa İnsan Hüquqları Konvensiyasının bütövlüyünün qorunması”, “Hesablılığın təmin edilməsi, beynəlxalq hüquq müdafiəsi və Qəzzadan sonra humanitar hüquq və Qəzzaya hörmət” mövzularında beş təcili müzakirələr tələb olunub. “Avropa Sosial Xartiyasının 65 illiyi” də müzakirə mövzusu olacaq.

Qeyd edək ki, Azərbaycanla AŞ PA arasında yaranan gərginlikdən dolayı ölkəmizin nümayəndə heyətinin mandatı təsdiqlənməmiş qalır.

Azərbaycan isə AŞ PA-nı ölkəmizə qarşı qərəzli olmaqda ittiham edərək, bu qurumla əməkdaşlığa son verdiyini bəyan edib.