İstanbul hava limanlarını açır?
Təyyarələrin təhlükəsiz şəkildə havaya qalxmasını və enməsini təmin etmək üçün 500 nəfər işçi heyət 180 qartəmizləyən maşın hazır vəziyyətə gətirib.
Bu gün 681 təyyarənin yola salınıb, qarşılanması planlaşdırılır.
“Azərbaycan Hava Yolları” QSC-nin Bakı-İstanbul marşrutu üzrə təxirə salınmış hər 3 reysinin sərnişinləri təyinat hava limanına ən böyük geniş füzelyajlı təyyarə olan “Airbus A340” ilə yola salınıb.
Bu barədə AZAL-dan bildirilib.
Məlumata görə, İstanbul-Bakı marşrutu üzrə ləğv edilmiş reyslərinin sərnişinləri də eyni təyyarə ilə Bakıya qayıdacaqlar.
Xatırladaq ki, qarlı hava şəraiti ilə bağlı ləğv edilmiş reyslər arasında “Azərbaycan Hava Yolları” QSC-nin Bakı-İstanbul-Bakı reysləri də var. Bununla əlaqədar aviaşirkət sərnişinləri hotellərə yerləşdirib və bu gün mənzil başına çatdıracağı gözlənilir.
