Bəxtiyar Hacıyev ev dustaqlığına buraxılmayıb
Bəxtiyar Hacıyev barəsində ev dustaqlığı qətimkan tədbirinin seçilməsi ilə bağlı müdafiə tərəfinin vəsatətinə baxılıb.
Xətai rayon Məhkəməsində hakim Bəxtiyar Məmmədovun sədrliyi ilə keçirilən iclasda qərar elan olunub.
Qərara əsasən, Bəxtiyar Hacıyevin vəkilinin verdiyi vəsatət təmin edilməyib və rədd edilib.
Qeyd edək ki, Bəxtiyar Hacıyev barəsində Cinayət Məcəlləsinin 221 (xuliqanlıq) və 289 (məhkəməyə hörmətsizlik etmə) maddələri cinayət işi başlanıb.
Məhkəmə qərarı ilə Bəxtiyar Hacıyev barəsində 1 ay 20 gün müddətinə həbs qətimkan tədbiri seçilib.
