Boris Conson Kiyevə gedəcək?
Böyük Britaniyanın baş naziri Boris Conson Ukraynaya dəstəyini nümayiş etdirmək üçün Kiyevə səfər etməyi düşünür. Bu barədə RBK-Ukrayna “Daily Mail”-ə istinadən xəbər verir.
Britaniya nəşrinin məlumatına görə, Conson məmurlardan prezident Vladimir Zelenski ilə danışıqlar aparmaq üçün Ukrayna paytaxtına səfərin mümkünlüyünü araşdırmağı xahiş edib.
Nəşr qeyd edir ki, Consonun mühafizə xidməti belə bir səfərin qəti əleyhinədir və müharibənin getdiyi ölkədə lazımi səviyyədə təhlükəsizliyi təşkil edə bilməyəcəyindən ehtiyatlanır.
