ZELENSKİ BAŞ NAZİRİ İSTEFAYA ÇAĞIRDI

Ukrayna prezidenti Volodimir Zelenski baş nazir Yuliya Sviridenkoya vəzifəsindən ayrılmağı təklif etdiyini açıqlayıb.

Xural.org musavat.com-a istinadən xəbər verir ki, bu barədə Zelenski özünün teleqram kanalında paylaşım edib.

“Baş nazir vəzifəsində göstərdiyi dəqiq, sabit və səmərəli fəaliyyətə, həmçinin uzun illər Ukrayna komandasında məhsuldar işinə görə Yuliya Sviridenkoya təşəkkür edirəm. Ona əsas tərəfdaşlarımızdan biri ilə münasibətlərdə yeni mühüm istiqamətə rəhbərlik etməyi təklif etdim”, – deyə Zelenski bildirib.

Prezident qeyd edib ki, Nazirlər Kabinetinin yenilənməsi Ukraynanın yenilənmiş siyasi strategiyasının həyata keçirilməsi üçün zəruridir.

Zelenski eyni zamanda hüquq-mühafizə orqanlarının rəhbərliyində də dəyişikliklərin ediləcəyini anons edib.

Yuliya Sviridenkonun yeni vəzifəsinin hansı sahəni əhatə edəcəyi açıqlanmayıb.